اقضوا حوائجكم بالكتمان!

السلام عليكم جميعا

اليوم ثلاثاء وما اروع الثلاثاءات << الباب قدام لو سمحتي

كان فلتن مره ، الصباح يجنن والأحلى لما تكون ( أنا ) عندها هدف تبغى تحققه ومن فجر ربنا وهيّا تسمع أغنية افلام كارتون ( إن الأمل جهدٌ عمل والجهد لااااا يضيييييع)

<< الله من زين التحفيز ياغيداء

المهم إنه أنا ومنيرة اللي دايماً تتوافق مزاجاتنا صباحاً كنا نبغى ( نقضي حوائجنا بالكتمان) حتى هنا ما أبغى أفصح عن الحوائج أخاف وحدة من بنات قاعتنا تدخل وتشوف << والله لو انها اليو تيوب مو مدونة وطن هههههههه

توجهنا في الصباح الباكر عشان نخلص شغله خخخ رحنا عند مكتب مكتوب ع الباب خدمات شؤون طالبات اللغة العربية ، طلينا من فتحة الباب لقينا المشرفة الشريرة ( العجوز الشمطاء) اللي دايماً زعلانة مدري ليه؟ مره خفنا نكلمها وبعد ماقعدنا ساعة ( انتي قوليلها ، لا انتي ) جينا نفتح الباب طلع مقفل تحسب نفسها في غرفتها الأخت << طبعا تقفل الباب لأنها تدري ايش تسوي للبنات لما تكون مشرفة عندهم تطلع عيونهم عشان كذا خايفة يغتالونها ههههه

لما حسينا انا ومنيرة إنها خوافة وتمثل قوة الشخصية قدامنا بس قررنا ندخل في غرفتها الظهر مع هند ونموتها ، بس اقترحت على منيرة انه مايكون معانا سلاح لأنها لو بس أعضّها تنتقل إلى رحمة الله هههههههه

طبعاً كعادة خيالاتنا انا ومنور لازم نشطح اتخيلنا صوتها وهي تستنجد ، هذي الإنسانة اللي ماعمرنا سمعنا صوتها إلا في أصعب المواقف وهي تسكتنا ( يااا سااااااابع ) ورغم إن صوتها مايطلع بس إنها ممشية القاعة ع الصراط..

الأروع في هذا اليوم محاضرة النصوص مع إنها بكّتنا وقطعت قلوبنا وقت العرض بس كانت شي لايوصف..

طلعنا من المحاضرة والحمد لله خلصنا أنا ومنيرة شغلتنا وأخذنا اللي نبغاه بس يااااااااااااااارب تتمم على خير << كأن السالفة فيها زواج هههههههههه

طبعاً من فرحتي سويت حركة ما أدري ايش موقعها من الإعراب وحسيت وقتها ان انفعالاتي انفعالات بزر << دوبها تعرف خخخ قعدت أدور في الحرم الجامعي ، أحس هند ومنيرة كانوا بيتبرون مني ههههه

الطريف في موضوعنا انا ومنيره اننا صرنا نسمي مبنى الدراسات العليا (مبنى الحوائج) << زي البزوره اذا انشغلوا بموضوع يحسون كل الناس تسمعهم ههههههه

اخر اليوم شربنا هولستن مع الهلي لأول مرة بعد ماصارت داجه زينا ..

وانتهى اليوم بس واحنا طالعين صدمتني هند بشي غبيييييييي كانت تلخبط بين شخصيتين من زمان << لا تخافي ياهند مارح اقول ايش القصة بالضبط ماني نذلة قد كذا هههههه وأهم حاجة ( وين عبايتي ) حركات اللي مو أطفال حركات اللي ما انولدوا لسى << طبعا محد فاهم غير هند احسن حرررررررره موتوا قهر هههههه

ولا أخفي عليكم وانا اكتب الموضوع جاتني رسالة عير الايميل << حركات تقهر ههههههه

المهم كان فحوى الكلام اللي وصلني من اختي هندو إنه بعد النحو كل اختبار يهون!!

وأنهت خطابها بقول: طاح النحو يلا افرحو ومدري ليه طلعت معايا جملة خارجة عن اخلاقي ( واعطونا شيشة لو تسمحو) << لا اطيح من عينكم ترا قصدي يعني مرة فلة

شكل ودي اختم عشان مايطلع حاجات أعظم ههههههههه

بااااااااااااااااي