طاح النحو يلا افرحو

أهلاااااا


مالت على أفراد وطن على بالي بلقى أحد كتب بالمدونة ولا وحدة كتبت

ماصدّقوا خلصوا من النحو وبكرا بلاغة فـ تفسحوا في أرض الله الواسعة

كما بيّنت طاح النحو هاي1 هاي2 هاي3 هاي4 < لمعرفة هؤلاء الرجاء الرجوع لـ عمّو مسن

والان نستطيع القول : طاح النحو يلا افرحو وهاتو القهوة لو تسمحو < مؤدبة مو زي غيداء

طبعاً بفضل الله كان الاختبار جميل نوعاً ما

وحملنا من خلاله ذكريات جميلة

المساطر البرتقالية والألوان .. تخيلوا سطرنا دفتر الإجابة وكتبنا بلونين ههههههههههههههه

والاعراب جا نفس اللي ذاكرناه مع بعض الماسنجر

غيدا تقول بغيت اقول للأستاذ كفشششششششششتك كااااي

كانت الأسئلة ورقتين .. طويلة شويا بس معليها حليوه

رجعت من الجامعة ع بيت غيدا

واتفرجنا ع مسرحية خُبلا بضم الخاء على قولة بنّور

وأثناء ذلك غيدا كلمت جوري بنت عمها وانا فوق راسي مية علامة تعجب كل سواليفهم وتذكرين وتذكرين :/

بالله يعني هذي سوالف ؟ <- الحين انتِ اش حشرك :p <- مزاج >< <- طب برا من غير مطرود


المهم بكرا علينا بلاغة ولاب توب غيدا مستنذل عليها ومو راضي يدخلها مسن

وبنّور اختفت فجأة

ماادري ممكن البلاغة صعبة وانا عبقرية مثلا خلصتها بدري مثلاً مثلاً ؟

أصلاً الاختبارات جميلة جداً جداً بس مايجي نحو فيها وعااااااااااااااادي لو كل الأيام اختبارات ^^^ < مستر مفهّي



دعواتكم ياحلوين

يارب

من يوم الأحد وحنا نذاكر النحو

يارب يارب لاتخيّب تعبنا ..

.

.

درس تقويه في النحو

طبعا لكل الزائرين والمتصفحين لوطن احنا كل تدويناتنا ضحك وهباله،

بس اليوم بتشوفون الوجه الاخر لشلتنا الممتازه جدا والمتفوقه والمحبّه للعلم والنحو

< تكفين اكذبي بس باعتدال خخخخ.

طبعا يا اخواتي افراد شلتي اللي احبكم مره،

بنور قالت لي انها توقعت اسئلة اختبار النحو وتقول ايضا :انه حدسها الذي قال الاسئلة وليست هي !!

والظاهر ان الوحي نازل عليها
طبعا لاني احبكم ياصقيقاتي ولاني حلمت اننا اخذنا درجات كامله حبيت اسوي لكم درس تقويه واكتب اسئلة بنور المتوقعة واكتب الاجوبه مع شرح تقريبي للمعلومات < الظاهر انها مُشيرة هانم صدق خخخخ..

(بسم الله الرحمن الرحيم)

اجيبي مستعينة بالله عن الاسئلة التالية :

كيف يندب المنادى المضاف الى ياء المتكلم؟ وضحي ومثلي < تعوّر بطني كلمة وضحي ومثلي ياااااأووووووومممممميييييي الجواب: امممممممممم ارجعوا للملزمة ص 61 لاني بصراحة ماذاكرتها كويس واخاف اشرحها غلط

< قال تقويه قال خخخخ.

2\ مالفرق بين النداء والاختصاص ؟
الجواب : والله اتذكر انها سهله وذاكرتها بسرعه عشان كذا ارجعوا لصفحه 66 ، 67 هع
<< والله ان ايدي ترتجف وانا اكتب من الخوف ، والله ـي النحو يخوف آآآآآآآآآآ..

متى يجوز حذف المنعوت ؟ وضحي ومثلي

<< يارب اتلطف بعبادك ياليت ماهر مايكتب الجملة هذي في الاختبار ، لوحدها مرعبه !

الجواب : اذا عُلم المنعوت يحذف في حالتين : اذا كان النعت صالحاً لمباشرة العامل اي الفعل ،مثل : ( ان اعمل سابغات) المنعوت محذوف تقديره ان اعمل دروعا سابغات
(يعني مثلا النعت بنت اجتماعيه وغابت صاحبتها اللي هي المنعوت فالبنت اللي اسمها نعت تقدر تقعد جنب الفعل ، اما اذا كانت ماتحب الناس اللي ماتعرفهم يعني لازم ماتغيب المنعوت الا اذا دقت ع النعت في الليل وقالت لها انا بغيب بكرا لاتجين ترا بتتوهقين مع الفعل اللي دمها ثقيل) << اش رايكم بالشرح بس خخخخخخخ.

الشرط الثاني : أن يكون المنعوت المحذوف بعض اسم مقدم مخفوض بمن او بفي،

المنعوت هذي وحده دمها ثقيل لازم يجي احد يدعسهاوتصير منخفضه < احلفي خخخ..

وهذا الاحد هوا من وفي لما يدعسونها تتأدب وماتطلع ابد ، كقولهم : ( منّا ظعن ومنّا اقام ) المنعوت اندعست بمن وتقديرها منا فريق ظعن وفريق اقام << اشرح من قلب والله خخخ ..

او في مثل قول الشاعر :
لو قلت مافي قومها يفضلها.... التقدير مافي قومها احد يفضلها ..
صفقوا لمن وفي لانهم قدروا يطردوا المنعوت << لو يقرا ماهر كلامي يرسبني بالثلاثه خخخخ ..

متى يمتنع حذف حرف النداء وضحي ومثلي ..

<< هذا سهل ياليت يجيبه تلاقوا الجواب في ص 48 ، 49 .

ماهي الاحكام المختصة لترخيم مافيه تاء التأنيث ؟ وضحي ومثلي
<< والله احس عقلي فاضي بل اني اسمع صفير الرياح في عقلي مما يدل على خلوّه تماما ، يااااااارب سهل علينا واااااااااااء ..

طبعا بنور تقول اكيد ام المنقطعه بتجي في الاختبار اللي يقطع ابو اللي اخترعها !!

وبكدا بكون انهيت دروس التقوية بتاعتشي اللي عاوز حاجة يبقى ياخد رقمي ويتصل بيّا في اي وقت انا مابنامشي ابدا في سبيل العلم والتعليم والتعلّم

<< احس اني استاذة اصول التربيه هع..

( ملاحظين اني ماشرحت الا سؤال واحد ، والظاهر هذا اللي بكتبه في الاختبار بس هع )

بالتوفيييييق يا اقمار

الله يقطع شرك يالهلي : )

مسّهم بالخير ايفري بوودي :)



عآملين أيه ..؟ وكيف المذآكرة .. ؟ < انني احب النكد صرت سليسل هع1 << اللي معي بالمسن بيفهمون وش هع1 << خخخخخخخ


لقد أنني اشتقت لكم كثيرن كثيرن (L)



الهلي .. الله يقطع ابليسك وحشتيني أكثر شي بالعالم ..!! << ورا ما تردين على جوالك ؟


يا اني فطست ضحك على سالفة تسجيل الدخول حقتك ههههههههههه
تدرين اني انا نفسك توني ادري يوم قريت اللي كتبتيه عرفت حينها انني في قمة الذكاء .. !!!!
ارتكبت نفس غلطك وكل يوم ازعج هند على هالسالفه وتطلع كذآ ..!! خخخخخخخخخخخخخ


يا أننا كنآ صتايم يالهلي خخخخخخخ


اممممممممم وش بعد .. لا خلاص يكفي ذآ


اشوف وشكم بخير ..


سي يآ : )





* ملاحظه : ستجدون في خمبقتي اللي فوق انني كثّرت من ادوات الندآء والشاطرة تفهم ليش < برا وصكي الباب وراتس هع

بنات عطوني رايكم بالصور و وش شعوركم لو صار يوم السبت كذا الجو هل ستذهبن لإختبار النحو

****** ****** ****** *** ************

نسيت اقولكم حاجه

في هذه الإجازة
(انهيت تلك العتمة الباهره)

من جد رائعة
وعقبال ماتقرونها

امممم

بنات احب وطن وطن وبس
عاد بقولكم شيء بس لا احد يضحك علي خصوصاَ هند لأني بهذلتها وانا اقولها وطن ماتدخلني ويطلع الرقم لي خطأ


اكتشفت
اذا جيت اسجل دخول
مطلوب اسم المستخدم (البريد الالكتروني)
وانا من الدباشه اللي بي ارز اسمي (هلي ) >>>>>>>>>>>غبااااا
فرحانه به
الحين صار هلي هو البريد الالكتروني (((هلي هوتميل ))>>>>>كااااي

وبس
توني اصير ذكيه وانتبه لدقائق الأمور >>>>>>>>>>>>>>>>>تراني تعبت على هالكلمة


عاد الله يعينكم علي دامني صرت اعرف طريق وطن

زمآن يآ وطن : d

سلآمُ ورحمه ..

أحس إني من زمآن عنكم ..

هآه . .أخبآركم مع الإجآزة : )

أن شآء الله مبسوطين << أدري مو إجآزة لآ تآكلوني
بس بالله ما تحسون أننآ عطلنآ << طيب أنآ ليه أحس كذآ .. ؟

المهم ما لكم بالطويله .. إلى لحظة كتآبتي لهذآ الموضوع ما فتحت ولا شي ..!

إنني كسلانه لا بل شآطره بس مآ أبغى اعلمكم << لا كسلانه و ---- << مشفر .. مقص الرقابه خخخخ

اقول لكم أخبار صقيقاتي : )

هندو ما عاد تنشآف .. والهلي بعد .. وسمسم .. تخيلوا سمسم ما بعد جت وأخذت مني الملازم .. !!
على بالها عطلنا خخخ

وغيدآء .. هالمسيكينه تعبت وتعرضت لعآرض صحي .. أقعدها عن المشي ..!!
بس الحمدلله هالحين صارت احسن : )

يآ ألله .. اشتقت لكم يالشينآت << تكفين يالزينه اسكتي هع

والله وحشتوووني أكثر شي بالعآلم .. متى تجي الاختبآرآت عشآن أشوفكم << تكفون أقضوا عليهآ خخخخ

وبس هذآ اللي عندي ..


سلآمي ~ْ

صباح الخير مع كل إشراقة شمس ...

ملاحظة:اللي بتقوم متأخره (الساعه 4 او 8 مساء) تغمض وتقراها مساء الخير

اااااااااااااه ياوطن

لو يصير نفس الكلام اللي دوبني سمعته بتكون الدنيا غيييير وبيكون الاربعاء يجنن!!
هند بكرا بتجي عندي مع اخواتها الاقمار يعني احلى شي في الدنيا لأن انا اذا شفت هند لازم نتضارب فـ كويس ان اخواتها معاها عشان لما نتضارب اقدر اطنشها والعب مع اخواتها كااااااااي ( لو تقرا هند بتهون خخخخخخ )

واحلى شي كمان انو الهلي بتكلم امها وتقنعها تجي عندنا وااااااااااااااي ياقلبي بيتقطاااااااع

انا طبعا اللي خلاني اكتب التدوينه هذي ان البنات قالوا لي الخبر وراحوا كل وحده قالت لي برب حتى ما امداني اعبر عن شعور الفرحة وقلت مااااااالي الا وطن

بس اذا جيتوا ابشروا بالسنع اللي مابعده اتحدى تروحوا مطاعم بعد ماتجون عندي،
تصيرون تمرون عليا بدال المطاعم اللي لاتسمن ولا تغني من جوع
<< اللي يسمعها يقول تنام في المطبخ من كثر ماتحبه ههههه

يارب بكرا اصحى من النوم على خبر حلو ، الهلي اذا ماوافقوا حطي شماغك على كتوفك وانا اختك وقوليلهم بروح الاستراحه ومابطول خخخخخ

اشوفكم تمورو ان شاااااااء الله ..

ولدت
ولم أختر إخوتي...
ومع ذلك أحببتهم
فكــــــــــــــــــــــــــيف بحبي لمن *بطوعي *اخترتهم

بنات يـــــــــــــــــــــــــاويل وحده منكم تغيب بالاختبارات

بنات عن جد وحشتوني

وش اخباركم

ليتكم جيتو للجامعة مره وناسه الجامعه

غيداء افتحو بالجامعة (صب واااي) والجامعه صارت ريحتها بخور وعطر

هند افتتحوا بالجامع معرض تصويري فيه صور لمصورين عالميين وكمان صارت أصبوحة وجاء الرطيان وو قع للطالبات على كتابه وجاء تركي الدخيل وناااس وأدبا >>>>>>>>>فاتتكم الجامعة بصراحة

رسالة وَطَنْ

وجبَ علي حينما أقرأ أذكاري في الصباح والمساء

أن أختمها بـ أن أحمد الله أن كنتنّ بجانبي ..

أنتن رسمتن على كتفِ الحياة فراشات

وفتحتن نافذةً تطلُّ على القمر

وجمعتن في أرضنا باقات ورود وقلوباً ملوّنة

وألحان عذبة

ومياه نقيّة ..

أنتن ياكلّ شيءٍ جميل أحبكن


هند ..

عصبية!!

اليوم اغبى يوم في الدنيا كان الغباء سمة واضحة فيه وغالبة عليه ،

بديناه بالنحو وانغام الاستاذ ماهر اللي يكون يشرح وفجأه يصير يرتل قواعد النحو وذلك لِعِظَم مكانتها في قلبه وكمان يدل على انه يحفظ زي الامعه ولا يدري ماذا يقول!

طبعا علّ قلوبنا بالمثال حقه إياك و(الأثد)

<< تراها الاسد بس الاستاذ يبغى يتدلع ومايعرف ماهيّة الدلع يسمع فيه يعني خخخخ..

وطبعا بين كل رمشة عينٍ وانتباهتها اسأل هند:

بترجعين معانا اليوم ؟ طيب بتجين عندنا ؟ طيب بنشوف المباراه سوا؟ طيب اهلك مايقولوا شي ؟ طيب .......... ؟ طيب ...............؟

وعلى كثر الاسئلة اللي سألتها مالقيت جواب يبرد القلب ، ياعذابك في الدنيا ياغيداء !!!

خلص النحو نزلنا القاعة الكبرى وبدا نشاط منهج الادب كانت القاعه تضجّ بضحكاتنا العااااااااليه

( اتكلم عن نفسي ) خخخخخخ

بس الحلو في قعداتنا اننا نضحك طول الجلسة لكن اذا رجعت البيت وحاولت اتذكر ليه كنا نضحك؟

ما اتذكر يعني غالباً نضحك لتفريغ قهر بعض الناس البااااااااردين جداً!! << الذكي يفهمها عاد والدلوخ اكتفوا بابتسامة وكملوا قرايه احسن لكم والله خخخخخ..

سمسمه وهندو قروا نماذجهم وكانوا فله هما الوحيدين اللي صفقت لهم والباقي قهروووووني قاعدين لنزار قباني قعدة ، من زييييييييين اشعاركم بالله اكتبوا زيه اول بعدييييين اتفلسفوا!!!!
<< عادي ترى ، غيداء ومعصبة يعني يطلع اكثر من هذا الكلام!

قالت درجاتنا الاستاذه وكانت كويسه وبعدين طلعنا قاعتنا نستعد لمحاضرة النقد

( بنّور تراني زعلانة منك راجعيني في المكتب واقول لك السبب خخخخخ ، امزح مازعلت بس تقهرين هع )
نجي لأهم نقطة في الحياة الدنيا ،
يااااااااارب ان كان هذا ابتلاء فَلك الحمد والشكر اللهم اني صااااابرة الى ان اموت غضباً وحنقاً شهيدة في سبيل الصداقة ، طبعا اللي مأزمني في الدنيا هو هند !!!

وحكايتها حكاية هذي الانسانة باصها استنذل عليها وماعاد يوديها الجامعه وعندها اخو طيب وشهم وشجاع قاال انه يقدر يوديها بس مايقدر ياخذها في الموعد المطلوب ، أنا طبعا مررررره فرحت لأنها بترجع معايا وتتغدى عندنا وتقعد لييييين نشوف مباراة المنتخب سوا ونتعشى ونسوي كل شي حلو بما ان بيتنا مافيه غير انا ورغده والحاشيه

( أقصد بالحاشية سلطان خخخخخخ )
لكن الاخت الكريمه سلمها الله تقول مايصير اقعد في بيت الناس طول اليوم

( اذا وقف الموضوع تراني انتقلت الى رحمة الله إثْرَ ارتفاع الضغط والسكر وانفجار المرارة والبنكرياس وتبادل الكبد والرئتين الاماكن ااااااااااااااااااااه ياتِعْتيرِك ياغيداء )
اي ناس ياهند خافي ربك يعني انا صرت ناس طيب نشوف مين يجي بيتكم مره ثانيه ويقعد ينطنط ويلعب ، وانا ماخذه راحتي عندكم اخرتها اصير ناس هاااااااا !

اللي يفقع القلب بجد منظر الرجاء الاخير والاخت الكريمة تتغدى :

هند ، كلمي اخوك ،

هند ، يمكن يرضى ،

هند ، مافي احد في البيت ،

هند ، .......................

هند ، ...............

والبلا هند تاكل ولا ترد اش اسوي يعني انتحر عشان تلتفت !!!
وماظنّي تلتفت بعد

لا ومن زود النذالة طلعت من بيتنا ونسيت اغراضها ، تقولوا بيتنا بيت اشباح طالعه منه بدون وعي ولا ايش الموضوع بالضبط؟؟؟ لهالدرجه ماننطاق مااااااالت !

طبعا الاسبوعين الجايه غياب وبعدها اختبارات الله يوفق الجميع بس ، وغيداء لاعاد تفرحي بأحد ترى ماااااااحولك أحد !!!

اذا حسيتو الالفاظ قاسية شويا ولا تجرح بكيفكم ، ماكتبت الموضوع للحساسين ، اللي مره يااااااي لا يقرا مدوناتي يقرا كلام باقي الشلة تراهم مره تيبين ..

والسلام عليكم ورحمة الله وبركاته..

وش يحس ذا اليوم ؟

يوم بلا تخطيط ..

لا بتخطيط

بس مو هذا التخطيط

بما معنى الكلام

انو كنا مخططين نطلع المملكة بس مااتوقعته بهذا الشكل والجمال < الضمير في مااتوقعته عائد على التخطيط مو ع المملكة

يعني وبما معنى الكلام

توقعت اننا نرجع بدري

وماتوقعت اننا نلقى TV نتفرج ع مباراة السعودية < أول ربع ساعة بس بعدين جو ناس شكلهم من جامعتنا البطحا وقفلوا الـ TV

يؤ

اشبني انا جيت من الاخر

وفي النشرة أحداث أخرى متفرقة

نبدا من أول

ودانا أخويا الكريم

والمصادفة اننا دخلنا وكانت غيدا دوبها داخلة قبلنا ع طول

يعني ع البوابة تقابلنا وصدفة مرة جميلة وقبل هذا الشيء ترى الاصنصير الجميل مايخوف مرة زي الجو حقنا مو بارد حار < ماتخاف أبد من الاصنصيرات القزاز شجاعة فديتني ويسعدني

دخلنا ومشيت أنا ورغده بدون إحساس

لين حسينا نفسنا قطعنا شوطاً كبيرا ً رحنا صرفناها وصلينا هع

بعدين اجتمعنا كلنا

جلسنا ف الكوفي طلبت قهوة فرنسي ورحت عشان بدي أنزل بلوزة ثقيلة لابستها

لأنو جو الرياض حار مرة صار وجهي طماطة مررررة من الحر

واحنا راجعين

الفاضلة رغده اكتشفت فجأة انو ساعتها مو ف يدها

وعرفت أنها أضاعتها في مكان ما

وأنها لم تنزلها الا لما كانت بتوضي

رجعنا مالقيناها ومالقينا ولا عاملة عند دورات المياه

والاخت الكريمة رغده نست اسم ماركة الساعة ههع

استسلمت ورجعنا الكوفي وجلسنا وباينة الضيقة من بين عينيها

رحنا عند سامبا البنك وكان فيه TV

والمكان مرة مناسب لـ جلسة مباراة ع الارض هع < تحسب نفسها ف الجامعة

واتمرمطنا عشان أحد يتشجع يقولهم عادي ندخل نتفرج

بس يالييييتنا مافكرنا < تابعة ع أحد التدوينات القديمة

لأنو طلعوا يسكرون الساعة 8 ع بداية المباراة

اتذكرت غيدا فجأة انو في كوفي يشغل تلفزيون بنفس المكان

ورحنا وفعلا لقيناه حاطه ع المباراة

وجلسنا نتفرج ع التحليل < وطلبنا هع

بطاطس مقلية مع شوكولاته

وسينابون ودونات بالكاتشب

وحمضيات عشان ذكريات الجامعة

بدت المباراة وانا مش مسدئة انو مع الشلة الكريمة ونتفرج مباراة

شي خياااالي

أحمد عطيف اللي لعب بالاعصاب وشات الكورة بالقائم خلا البنات يصرخون

وجو الامن قفلوا الـ TV < ترى مسوية اتكيت لما اكتب هالكلمة احم احم

وطلبوها البنات مارضت وقامت تقول كلام غبي زي كلمة وش تحس ذي ؟

تابعنا المباراة عن طريق المراسلين تحديث فوري للمعلومات

وفااااااااازت السعودية ع الكويت < طبعا مالها حلا واحنا ماشفناها

ورغدة وخلود نزلوا السوق المختلط < متعوب ع الكلمة

عشان تشتري خلود كم غرض

وتمّ ذلك وبعدو اتمشينا شويا ع المحلات اللي ف نفس مملكة المرأة

واحنا مؤدبين مااتريقنا ع موديلات الملابس الغبية

خاصة البلوزة الموف أم أكمام غبية

ولا شدينا ع خلود عشان ماتقص شعرها بس الحمدلله اللي ماقصت

انا ماعمري شفت بحياتي أحد يبغى يقص شعره وهو مايدري كيف

حتحلق شكلها ماعاد بقيتي شي براسك ياخلود

عاد اتخيليكِ بدون شعر < هند أسري بالله وسكري الباب وراك

ورجعت مع غيدا لبيتنا واستانسنا حتى ف السيارة

طبعاً انا ف هذه اللحظة عرفت انو الوناسة مش بالمكان الوناسة بالناس اللي تملا المكان < تصفيق بالله

والحمدلله كان يوم يجنن يجنن يجنن يجنن تتعب وانت تقول يجنن < ماتقلد مقطع بلوتوث أبدا

وشكراً لكل شيء كان اليم حتى للطاولة اللي اتحملتنا ولا انكسرت

للسينابون اللي طلبته وصار كبير وصار تفريغ حماس

للفاتورة اللي كتبت ع ظهرها خلود

لكلللللللللل شي سخيف شاركنا اليوم شكراً

وللأشياء الكبيرة امتنان ماينوصف

وللحلوات اللي بسطوني كلام ساكت ماينقال

أصبوحة ودندنة ..

اليوم كان مختلف تماااااماً عن كل أيام عمري في الواحد وعشرين سنة اللي فاتوا
طبعاً اللي مخلي اليوم غير هو اصبوحة هند الشعرية
بدا اليوم بداية حلوة والهلي جابت ااختها منى وكل بنات العالم سلموا علينا مو عشاننا بس عشان يشوفوا مين الضيفة الحلوة اللي جاية (شرافة) على قولة الهلي خخخ

المضحك جدا جدا جدا في محاضرة القراءة انو الست هند قعدت تستنى الاستاذ عشان تقرا اول وحده واخذت السماعه بكل بساله وكلمته وقرت وبعد ماخلصت واكتشفنا انو مابقي غيرها يقرا يعني كانت تسابق نفسها خخخخ << ياشين السنع يوم يطلع في الاخير هع

وجات احلى لحظة في الدنيا لما نزلنا القاعة الكبرى وجلست هند ع المسرح كان شكلها مره خطيييير ربي يحفظها وبجد كانت القصائد تجنن والالقاء احلى كان المشهد ماينوصف واحس كل الكلام وربي قلييييييييل على الأصبوحة وعلى هند


(هند .. وأنتِ تلقين شعرت أنكِ تقرئين فوق القمر وأن كل ماحولك سماء..
أخذتنا الأصبوحة لكل مكانٍ جميل .. عانقنا الغيوم ، وجلسنا على شطآنٍ مقمرة ، وركضنا في بساتين ورود..
فعلاً هند كلماتك لم تكن شعراً بل كانت مطراً يروي عطش قلوبنا ..
سأحكي لكِ شيئاً لكن لا تضحكي ، شعرت للحظة انكِ بنتي لأني فجأة وجدت نفسي أذكر اسم ربي عليك وأردد يارب احميها!
شكراً لأنكِ تركتِ في ذاكرتي قطعة من سماء
وياليت العمر كله هند وأصبوحة ..)

عقبال الامسيات ياهندو والدواوين والروايات كمان بس اول رواية اكتبي لي فيها اهداء هع
احس نفسي احط لكم الاصبوحه وتشوفوها لان كلامي ماااااايوصف شي والله

هذا ماعندي اليوم
وانتهى يوم جامعي وكان احلى يوم دراسي في الدنيا

سلااااااام

اليوم كان يوم مصرقع زي كل ايامنا في الجامعه بس المختلف فيه انه اليوم انا مروووووقه بس اني تعبانه حبتين والهلي فاجأتنا اليوم بحركه مره حلوه ربي يسعدها كانت حاطه على طاولة كل وحده مننا ورده باللون اللي تحبه ومره فرحت لما شفتها

( الهلي كفاية انتي وردتنا ونور القاعه ياصقيقة اولى ابتدائي << بتقول السيره الذاتيه خخخ )
واحلى شي انو طاولتي فيها ورود اكثر من باقي الشله ومنور مقهوره خخخخ نانا نانا نا احسن انقهروا محد قالكم ماتصيروا معانا من الابتدائي

بدت محاضرة البلاغة وانتهت خفيفة ميسرة وانتهى المنهج لولولولولولووووش يعني مافي نرفزه بعد اليوم مع آراء بعض الناس اللي تخليني اطلع من طوري

كان فيه عرض مره حلو مسوينه بنات في وقت الفسحه ودخلنا نتطمش وطلعنا البوب كورن على بالنا سينما خخخخ

انتهى العرض وسوينا سباق مين يوصل القاعه اول كان سباق مشي وكانوا هند والهلي في المقدمة لكني خرقت القوانين وانطلقت راكضةً فسبقتُهُنَّ << فجأة قلبت فصحى خخخخخ ، لكن الاخت الكريمه هندو تغافلتني في اخر المطاف وسبقتني لاني نسيت انه فيه سباق وقاعده اغني اغنية عراقيه قدييييييمه هع استاهل الخساره

بدت محاضرة الادب وكنت مره متحمسه مع الاستاذ كعادتي بسم الله عليّا ( اذكروا الله ياجعل اللي بيحسدني يتأخر عليه الباص وهو عنده امتحان وضرسه يعوره بعد قولوا امين خخخخخخ )

جات اللحظة الحاسمة وهي لحظة تكسير راسي من استاذ الادب اول شي ماكنت بكلمه بس البنات ساعه يقنعوني ولا اقتنعت لكن اختي الفاضله هند اخذت السماعه وحطتها في اذني يعني ما علي الا اغرد خخخخخ

والحمد لله ماكسر راسي بالعكس مدحني مدح خلاني اتقطع الحمدلله على سلامتي << غيدا تكفين خلاص ياطول الموضوع على غير سنع

بعد المحاضرة كنا جازمين ان استاذة النقد بتغيب مسوين ذكاء وطلعنا انا ومنور وهند لغرفة الطبيبة عشاني دخت من مدح استاذ الادب وراحوا يحطون لي اوكسجين << صواريييييخ والله اني كنت باخذ منها بنادول بس خخخ

لكن للاسف ما امدانا ننزل الدرج الا ودقت علينا سمسمه وقالت تعالوا جات استازة النقد

وانتهى اليوم الدراسي بأمان وسلام

وبكرا عندنا ( فحص ) نقد هع الله يوفقنا ياااااارب

لا عاد اكتب صح خخخخخ

يا ربي ياربي ياربي

الحين هذا الهولستن اللي تقولون عنه

هذا الفلّة ؟

يخلي الواحد مصدّع ودايخ ومايقدر ينام :(

ياربي ياربي

الله يرحم سليسل عند ذي الحالة

والله أبغى أنام

ايش ذنبي أعاني كذا ؟

طب خلاص ماابغى انام ابغى اقوم

ليه أصير دايخة ومااشوف الطريق قد كذا ؟

قال ايش قال هولستن :"(

خبر عاااجل

خبر عاجل


افرحي ياوطن بقدوووم الهلي
مرحبا

واخيراَ رضت وطن علي

وتم قبولي مع صقيقاتي >>>>افراد وطن الموقرات>>>>حبيلهم



اما بعد



فمن اليوم وصاعداَ


(سيبرق اسمي وسماء وطن )......>>ماتعبت عليها ابد




يالله عاد الله الله بالتترحيب

سلااااام يا احلى شله في العالم

منور والهلي فاتتكم احدااااث اليوم اول ماجيت الصباح وانا ماشيه حزرو ايش صاااار؟
صقعت في استاذة البلاغه وطاحت نظاراتها انا اتوقعت انها سترمقني بنظره قاتله
وبغيت احط رجلي لانها بس لو تحط اصبعها على كتفي سـ تخور قواي خخخخخخ
لكنها فاجأتني قالت لي : عادي يابنتي تراني احبكم زي بناتي ولو تدعسيني بسيارة ما اسوي لك شي!!!!

المهم دخلت القاعه حزروووو مين لقيت ؟؟؟
لقيت مشرفتنا العجوز حفظها الله قاعده تضحك باعلى صوووووت تقهقه قهقهةً صاخبه انا تنحت ( عسى ماشر ) اتحررت العراق ولا ايش الموضوع؟؟؟؟

بعدين نزلنا تحت نفطر وجات عندنا موظفة الامن ( اللي مرررره تقطر شر كجميع الامن في جامعتنا ) حزرووووووو ايش سوت؟؟
جابت لنا فرشة وترمس قهوة ودونات كريسبي كريم وقالت اليوم يوم التسامح العالمي عشان كذا انا ابغى اقولكم اني احبكم وهذا الشي مره قليل عليكم!!! ايوا كمان اعطت كل وحده فينا جوال بـ ثلاث كاميرات وقالت انا واثقه في اخلاقكم وانكم ما بتضرون احد!!!!

احنا مره انذهلنا وطلعنا لمحاضرة الصرف وقالت لنا الاستاذه ( ريهام او انعام او اكرام )

<< هند وسمسمه فاهميني بس خخخ

قالت لنا : الصرف مادة غبية ونزقة وماله داعي تعورون راسكم بتفاهات ، نحن اعمق من ذلك ولا نلتفت لفسيفساء الامور وطلعت قصيدة لـ ايليا ابو ماضي وقالت لنا حلقوا مع الشاعر بجناحي نورس ( لكن الله يهديها كانت تقول هذا الكلام بنفس طريقة شرحها الآليّه يعني ما استفدنا شي ) بس اكيد الاسبوع الجاي ستكون اروع مما يتصوره عقل هع

كان يوم مره لطيف واحنا طالعين انا وهند كان الشارع اللي نمر فيه يفوح بالعطور والزهور والبخور وماكان فيه ابدا ريحة ( لبن )


ياااااحبي لجامعتنا وبطحتنا بس لو تصير زي الكلام اللي فوق كان ماطلعت منها ابد

لـ بطيئي الاستيعاب : ترى الكلام اللي فوق مجرد خيال يعني مو صدق يعني ماصار ولاّ البطحاء يطلع منها هيك

الله المستعان بس

تعقيبٌ على ما كُتِب أدنآه ’،

سلامٌ ورحمه

رجعت لكم من جديد << والله اني مغصوبه هي تبغاني اكتب اهئ

أرغمت على كتابة هذا الشي بأوآمر من السلطآت العليآ << بين قوسين غييييداء << مبين انها مجبورة هع


سأوردُ لكم الآن تعليق الآنسه غيدآء على ما صرح به أستآدُ الأدب

تقول غيدآ : "استاذ الادب الموقر صحيح اني جبت 20 لكن مو معنى ذلك ان الميانه طاحت بيني وبينك اجل انا غيداء بتكسر راسي لييييش ( ايوا ليييييييييييش) المفروض تصلي طووول الليل مع النهار اني جبت عندك درجه كامله ليه كدا ياأوستزنه << استاذنا يعني بس بالمصري باااااااااااااااااااايخه

لكن ابشر سيكون مصرعك انت والمشرفه العجوز في ليله وحده مافيهاش ضو قمر

المشرفه نعضها
وانت اخنقك بشماغي"


هذآ ولقد سقط سهواً الفضيحه الثآلثه : وهي ان غيدآء تمتلك صوتٌ شجي و آسر ترغم الأصم على سمآعه << مشوها هع



انتهى

هـ تعمل إأيهـ

سلامٌ لكل القلوب السعيده والتعيسه بعد << بدآية تبشر بالخير هع


اليوم : الثلاثآء (االأربعآء ) << بالنسبة لي مثل غدن عشآ << هع << المعنى مثل ما يقولون في بطن الشآعر خخخخ



اختبرنا نصوص .. وآآآآآآه وش اقول وش أخلي



سهل سهل ورآئع لحد الإبآده << بكيفي الموضوع قآئم على بنية التضآد هع <<تأثير النشيدة << اسكتي بس << النشيده أقصد بها انشودة المطر << لا تسترسلين





وش صآر بعد اممم - أيه نجي لفقرة الفضآئح هع <<وجه يومض جواجبه خخخخخ



الفضيحه الأولى : غيدا أمس كان يومها واليوم ضدها ...
أستآد << متعمده اكتتبها بالدال ترى هع


أستآد الأدب قال وين غيداء بكسسسر رآسها ليه ما تشآرك << مستغرب منها !!!


مآخذه الدرجه الكآمله ماشاء الله عليها ولا تشآرك !!<< شاركي يا بت ولا كسر الأستاد راسك



والفضيحه الثانيه : انو هندو نشّدت لنا وصوتها خققآآآآآآن وخيآآآآآآآآآآل وكل ابو شي << الله يخليها لعينن ترجيها

ادري ان هذي مو فضيحه بس ما أدري اختلطت علي الأمور << برااااا




وبس هذى اللي عندي .. وانا ما صار لي شي والهلي ما صار لها شي و سمسم ما صار لها شي وويزآ ماصآر لها شي << ورا ما اختصرتي وقلتي كلكم ما صار لكم شي ّّّ!!! <<بثآآآآره



وترى ترى بآتسر غيآآآب ومن هذآ المنبر أقول لكم الله يعينكم على فرآقي و يصبركم .. بكره بدوني بيصير طفش مرتن مره هع هع << البآب البآب الله يجزآتس خير





سي يآآآآآ : )

عملية الفصل

بسم الله

أخيراً تمّ فصل التوأمين السياميين بنجاح

والحمدلله اليوم بعد خطو الخطوة الأخيرة من هذا العمل تم نجاحه

والسيامي حكاية الغروب انفصل عن السيامي وطن

لينعم كل من الاثنين بحريته



وعرفت السر ف إنو مايرضى يقبل الدعوة بعلم الهلي بكرا عشان تنضم للكوكبة الكريمة


وادعوا لنا بكرا علينا اختبار نصوص


صح سهل .. لكن نفسي بالدرجة الكاملة ويارب

وشي ثاني

ادعو لي كثير كثير جداً جداً

لأنو طقس سليسل زارني هذه الليلة كمان

وله ثلاث أيام يسويها هالسليسل

طفشت منه وأظنه طفش منّي




عشان اللي مايفهموا .. سليسل = غلقة


ويارب :" (

يوم الغيداء

اليوم الأحد

كانت طالبة مننا استاذة النقد نجيب قصص

كتابتنا أو ناقلينها

وشجعنا غيداء تجيب قصتها ( حريق حلم ) وتشجعت ماشاء الله عليها

وابتدأنا يومنا بـ البلاغة

وشويا كانت المحاضرة مو حلوة

وجات محاضرة تاريخ الأدب

وبدا يمسك أوراق الاختبار ورقة ورقة ويعلق على الخطوط

ويقول الدرجات والحمدلله درجاتنا حلوة وأهم شي غيداء جابت العشرين ماشاء الله


اليوم يوم غيداء

ومحاضرة النقد

استفتحت غيداء المحاضرة بقصتها بس قالت شي ماله داعي .. تعرفه هي كويس

وكان القاءها مرة حلو

وصفقنا لها لأنها تستحق < قولي والله

ومدحتها الاستاذة وقالت أحسب انو كل اللي ف البداية والنهاية يطلع بجماد هههههههههه


مااعرف ايش اكتب

بس هذا اليوم يوم غيداء


وغيدا قالت لي اكتبي

وجالسة أحاول لي ساعتين بالاخير دي الاشياءات بس


يلا مشوا حالكم

وباركوا لغيداء لأنها أظهرت موهبتها اليوم وأخذت عشرين بالأدب


والسلام عليكم ورحمة الله وبركاته

بسم الله الرحمن الرحيم

اليوم كان يوم حااااافل بالضحك بالوناسه بالبلاهه وبمواضيع جد مررررررره
يعني ماخلينا شي الا وسويناه اليوم
في الصباح كان الجو ( من وجهة نظري ) عشان ماتعصبون عليّا حلووو مره بس الشله الكريمه ماكانوا حابين الجو ابد
طبعا فديتنا كنا لابسين شماغاتنا
وبدت المحاضرة الاولى محاضرة النحو طبعا ( بيني وبينكم ) استاذ ماهر صار يتدلع كثييير ويتميلح ويضحك ضحكات مدري ايش تبغى شكله والله اعلم خاطب وحده من القاعه واظنها بس لاحد يسمع اظنها (هند) لانو يقول اسمها في الامثله كثييييير
<< بتجيني شوته لامحاله خخخخ
خلصنا من النحو ورحنا نفطر في السيب عشان البرد ومنيره ماخلتنا ناكل كويس صاير دمها خفيف بقوووه يقطع شرها واكثر شي ضحكني انها فجأه نطت تقول ان العقل يقع في القلب سألناها ليه؟؟ قالت سبحان الله لأن الانسان اذا مات مات!!! << يبغالها تفكير عميييييق
قمنا عشان حكاية الحوااائج اللي ماتخلص بس مالقينا الاستاذه اللي نبغاها رجعنا للشله واحنا خائبين وفجأه منور شافت الدكتوره ونطت قالت اقسم بالله انها جايه شوفووووووها << ماله داعي تحلفين خخخخخخ
طبعا سوينا حفله يوم شفناها ونطنطنا اللي يشوفنا يقول اعطونا شهادة التخرج ، والله اننا ننرحم
كلمناها وقالت لنا شي ( مش ولا بد ) بس لسى فيه امل << او بالاحرى مافي احساس من زين درجاتكم رازّين فيساتكم !

ونزلنا تحت نتمشى لان استاذة الادب قالت مابجيكم وبعض افراد الشله الكرام زعلوا لانها مارح تجي انا انصدمت لاني حسيت فجأة اني مع شلة مصاريا ( اخواننا المصريين لا تزعلون امزح ) << غيدا بلاش نفاق وبعدين من وين بيشوفونها المصاريا والله اني ماخذه مقلب بمدونتنا خخخخخخخخ

نزلنا تحت نتمشى وسبحان الله طلعت لنا كرامه لقينا دكتوره ( س ) << بسوي زي منيره يعني منور احسن مني خخخخ
ماصدقنا ورحنا نكلمها بس منيره في نص الطريق قالت كلمه موتتني ضحك قالت : مانبي نكلمها شوفي خشمها احمر << منور برد عادي تشوفي هذا المنظر ، احس اني بثره وموضوعي سخييييييف خخخخ

كلمناها وبرضو نطنطنا << وانا اقول ليه رجولي تعورني يوم رجعت البيت اثره من كثر المطامر على قولة منور خخخخخ
والشله انبسطوا علينا حسوا اننا اراجوزات !!

طلعنا فوق ولعبنا( فتحي ياورده) وفليناها بعدين لعبنا لعبه تجيب المرض ( كم بيض الحمام ) وبعدين بدينا نتكلم في اشياء علميه مرررره حسيت فجاه اننا مو شلتنا خخخخ

وانتهى اليوم واحنا مبتسميييين..

يوم خميس ف بيتي

الآن من قلب الحدث غيدا تنطنطُ بلعب الحبلة بالشماغ الفلسطيني

ودارت بيارا دورة

كادو يموتون من بعدها

ولعبوا الأسئلة والحروف فريقين .. غيدا ويارا وغيدا وسارة هع

واللقاء ممتع جدن جدن

ولكن غيداء تظنُّ بأن أبي سيشوتها

ولذلك جلست ترددُّ والخوف بعينيها :براا:

وكادت أن تتحمس وتتصل برغده لكنني وقفتُ أمامها وقفة مدفع

وكدتُ أبكي هع

وتراجعت والحمدلله

المهم نصير طبيعيين

الان يارا وسارا أخذوا ع الجو مرة مرة

ولعبوا كثير مع غيدا

وغيدا الكريمة صفّتني على جنب وصاروا اخواتي صديقاتها

بس منور تقول : لاحقه تشوفك في الجامعه كل يوم


المهم انو للآن مستمتعين جداً جداً بيوم الخميس لأول مرة أحس انو عندي أخت بالرياض < بتتسطر

سارا : في بسة دخلت الحلاق ليه ؟

غيدا : تبغى تحلق شنباتها .

سارا : لأ .. لقت الباب مفتوح ...


غيدا خ :في رجال دخل الحلاق ليه ؟

غيدا ص : لقى الباب مفتوح

غيدا خ : لأ

غيدا ص : يسوي سكسوكة

غيدا خ : غلط اقولك الجواب ؟ يبغى يطلع البسة كاي


< هذه نكت الآن تُلقى من قلب الحدث

وسننقل لكم بعد الفاصل ماسيُقال وماستكون من الأحداث






عدنا لكم

في واحد اسمو مدري

واخوه اسمو أدري واختو اسمها حصة

حصة نايمة بالبيت

وادري رايح السوق

ومدري بالمدرسة

وفي طالب سأل مدري قال اش اسمك قال مدري اش اسمك



من الأشياء اللي تُرمى في هذه اللحظات ..


غيدا صممت تذهب من البيت الآن الساعة ماوصلت عشرة : /

حاجة تقهر :(



أبغاها تختم ومارضت مشغولة مع اخواتي

وأنا مهمشة .. بس معليه مبسوطة :p

على كلٍّ ستغل هذه المناسبة بتقديم الشكر الجزيل لـ غيداء الكريمة على هذه الزيارة

والتي جعلتني فجأةً أحس بأنني أبسط الناس < من الانبساط ترى مو البساطة




الآن راحت غيداء

وفعلاً كان يوم خميس غير جداً جداً

ربي يسعدك ياغيدا وسامحينا ع القصور :p