يوم بلا تخطيط ..
لا بتخطيط
بس مو هذا التخطيط
بما معنى الكلام
انو كنا مخططين نطلع المملكة بس مااتوقعته بهذا الشكل والجمال < الضمير في مااتوقعته عائد على التخطيط مو ع المملكة
يعني وبما معنى الكلام
توقعت اننا نرجع بدري
وماتوقعت اننا نلقى TV نتفرج ع مباراة السعودية < أول ربع ساعة بس بعدين جو ناس شكلهم من جامعتنا البطحا وقفلوا الـ TV
يؤ
اشبني انا جيت من الاخر
وفي النشرة أحداث أخرى متفرقة
نبدا من أول
ودانا أخويا الكريم
والمصادفة اننا دخلنا وكانت غيدا دوبها داخلة قبلنا ع طول
يعني ع البوابة تقابلنا وصدفة مرة جميلة وقبل هذا الشيء ترى الاصنصير الجميل مايخوف مرة زي الجو حقنا مو بارد حار < ماتخاف أبد من الاصنصيرات القزاز شجاعة فديتني ويسعدني
دخلنا ومشيت أنا ورغده بدون إحساس
لين حسينا نفسنا قطعنا شوطاً كبيرا ً رحنا صرفناها وصلينا هع
بعدين اجتمعنا كلنا
جلسنا ف الكوفي طلبت قهوة فرنسي ورحت عشان بدي أنزل بلوزة ثقيلة لابستها
لأنو جو الرياض حار مرة صار وجهي طماطة مررررة من الحر
واحنا راجعين
الفاضلة رغده اكتشفت فجأة انو ساعتها مو ف يدها
وعرفت أنها أضاعتها في مكان ما
وأنها لم تنزلها الا لما كانت بتوضي
رجعنا مالقيناها ومالقينا ولا عاملة عند دورات المياه
والاخت الكريمة رغده نست اسم ماركة الساعة ههع
استسلمت ورجعنا الكوفي وجلسنا وباينة الضيقة من بين عينيها
رحنا عند سامبا البنك وكان فيه TV
والمكان مرة مناسب لـ جلسة مباراة ع الارض هع < تحسب نفسها ف الجامعة
واتمرمطنا عشان أحد يتشجع يقولهم عادي ندخل نتفرج
بس يالييييتنا مافكرنا < تابعة ع أحد التدوينات القديمة
لأنو طلعوا يسكرون الساعة 8 ع بداية المباراة
اتذكرت غيدا فجأة انو في كوفي يشغل تلفزيون بنفس المكان
ورحنا وفعلا لقيناه حاطه ع المباراة
وجلسنا نتفرج ع التحليل < وطلبنا هع
بطاطس مقلية مع شوكولاته
وسينابون ودونات بالكاتشب
وحمضيات عشان ذكريات الجامعة
بدت المباراة وانا مش مسدئة انو مع الشلة الكريمة ونتفرج مباراة
شي خياااالي
أحمد عطيف اللي لعب بالاعصاب وشات الكورة بالقائم خلا البنات يصرخون
وجو الامن قفلوا الـ TV < ترى مسوية اتكيت لما اكتب هالكلمة احم احم
وطلبوها البنات مارضت وقامت تقول كلام غبي زي كلمة وش تحس ذي ؟
تابعنا المباراة عن طريق المراسلين تحديث فوري للمعلومات
وفااااااااازت السعودية ع الكويت < طبعا مالها حلا واحنا ماشفناها
ورغدة وخلود نزلوا السوق المختلط < متعوب ع الكلمة
عشان تشتري خلود كم غرض
وتمّ ذلك وبعدو اتمشينا شويا ع المحلات اللي ف نفس مملكة المرأة
واحنا مؤدبين مااتريقنا ع موديلات الملابس الغبية
خاصة البلوزة الموف أم أكمام غبية
ولا شدينا ع خلود عشان ماتقص شعرها بس الحمدلله اللي ماقصت
انا ماعمري شفت بحياتي أحد يبغى يقص شعره وهو مايدري كيف
حتحلق شكلها ماعاد بقيتي شي براسك ياخلود
عاد اتخيليكِ بدون شعر < هند أسري بالله وسكري الباب وراك
ورجعت مع غيدا لبيتنا واستانسنا حتى ف السيارة
طبعاً انا ف هذه اللحظة عرفت انو الوناسة مش بالمكان الوناسة بالناس اللي تملا المكان < تصفيق بالله
والحمدلله كان يوم يجنن يجنن يجنن يجنن تتعب وانت تقول يجنن < ماتقلد مقطع بلوتوث أبدا
وشكراً لكل شيء كان اليم حتى للطاولة اللي اتحملتنا ولا انكسرت
للسينابون اللي طلبته وصار كبير وصار تفريغ حماس
للفاتورة اللي كتبت ع ظهرها خلود
لكلللللللللل شي سخيف شاركنا اليوم شكراً
وللأشياء الكبيرة امتنان ماينوصف
وللحلوات اللي بسطوني كلام ساكت ماينقال
2 التعليقات:
هند ببكي من الوناسه
خلود كل يوم تعالي الرياض او عيشي عندنا
ياناس وربي احبكم لانكم صرتو اخواتي
أنا رغداء ..
الله عليك ياهند إنت وخلود ، اليوم كان فوق الوصف حسيت إني رحت (دنيا غير الدنيا ديّا)..
آآآه ياساعتي لمّا رحت نفس المكان وما لقيتها خطرت فبالي أغنية عبادي : ضاع الأمل في رجعتك وأقبل الياس .. وأشوف حلمي مات قدام عيني .
المشكلة إني مالقيت العاملات ، قلت أتركهم للعشاء يمكن يجون وأكفشهم خخخ اتخيلتهم متجمعين على ساعتي يوزعون الغنايم << خير معركة خخخ .
وأجيهم أقول طحت علييييييكم خخخ
<< شطحت مرررة .
رجعت لقيت وحدة منهم حسيت بـ ( بصيص أمل ) خخخ << مرررة متعوب عليها .
سألتها عن الساعة ، قالت : أعطيتها الأمن تعالي معايا ، رحت وراها وأنا حاسة بنشوة الانتصار أحسها بتاخذ لي حقي خخخ
أعطوني ساعتي ورحت عند غيداء وهند وخلود ، وشمممرت عن ساعديّا ، وطقيت أصبع بعد ، ورقصت شوي ..
أحلى شي يوم شفناالكورة في المقهى حسيت إني فمصر ، آآآه يامصر والله أحبهم عكس كل اللي فوطن ..
عادي خالف تعرف كهكهكهكه _ الله يصبحك بالخير ياجوهرتي الغالية سرقت ضحكتك (أحبك ) _
<< ماكنك طولتيها ؟؟
عادي مو كل يوم يحصل لي أكتب فوطن مشكورة غيداء ..<< تتمصلح
هند خلود أتمنى أطلع معاكم كل خميس والله كان أطير أطير أطير وماتلقوني خخخ
حبيباتي والله أحبكم كثير ..
إرسال تعليق