مساء الخيرات

اليوم الجمعة 5/6/1430 هـ

باقي 26 يوم على تخرجنا إن شاء الله .. أنا محدثتكم هند

أدري انو قوالب المدونة صايرة تستهبل

بس مو مننا من الضغط اللي صار لنا الايام اللي فاتت صرنا ندور ننبسط بالحاجات البايخة

يارب مايكون في أحد بس شاف القالب اللي قبل هذا بتاع البيض ر1

النقطة الثانية هيَ أنني منذ يومين وأنا أحاول ف بنور تكتب

والأخت حاطتني صفر ع الشمال حمد1

بنور لما يركب راسها شي ماتعرف تقول لا أبداً بس تعرف تماطل لما تخلي الواحد يكره انو يطلب :موشي

كنت أبغاها تكتب بصفتها وحدة من البنات اللي خلصوا تطبيق < كلهم خلصوا تطبيق إلا أنا :(

بس باقي لي الاربعاء الجاي ان شاء الله

وليه انا طلبت منها بالذات

لأنو أحس ان غيدا هذي الأيام مزاجها متعكر حبتين وماحبيت أزعجها < فديتني مؤدبة

وبنور من زمان ماكتبت مقارنةً مع غيدا بس عاد الشكوى لله

انا اللي كتبت

ماكأنو هذي أيامنا الأخيرة يامال الجنة انتِ واياها ع2

بعدين نجي ندور ذكرياتنا ننقهر انو في أشياء ماكتبناها ع2

الموووهيييم

البنات خلصوا تطبيق / تدريس وزحمة مدارس وطالبات

وحسب ماوصلني من المراسلين

انو بنور مبسوطة مرة وانو تحس كأنها خلصت اختبارات وكاتبة بالمسن .. خلللصناااا

وغيدا مبسوطة تقول ماعاد في أولى سابع ولا ..... < سقطَ سهواً .. ولا أم خالد الأخيرة أهم شي :p

وأم خالد هذي قصتها قصة

فراشة أعطتها المديرة صلاحية انو ترتب كل شي بالمدرسة وحطت راسها براس غيدا ماتبغاها تطلع مع الباب المخصص للمعلمات

حمد1

وصاير طقاق على هذا الشي < ايش رايكم بطقاق ترى متعوب ع الكلمة

والهلي مبسوطة كثير كمان

أما سمسمة فما قابلتها للحين .. وويزا كالعادة مااحد يعرف عنها شي إلا إذا داومنا < ترى عادي قولوا لي انها أعرست أصدق ترى

واممممممممممممممممممم

الاسبوع الجاي نصه غياب شكلو

ف أظن انو ماعاد في شي ينكتب كثير

لكن عني بحاول ف أيام الاختبارات أكتب كل يوم بيومه عشان إحساسو غير

نذاكر واحنا نحس انو اخر مررة نذاكر هذي المادة ..

امممممممممممممم

كمان ادعوا لنا كثير كثير كثير

يوم الاثنين في برنامج توديعي شكلو بيكون فلّة

وبكرا في حفل بس مااحنا رايحين حاجات رسمية مانحبها :موشي

وبس

من زمان ماكتبت أأأدِّ كييدااا

آآآد ايييه من عمري أبلك رااااح < براااااااااا