سلامة عمري والله :p

مساء الورد على كل صاحباتي الحلوين

اليوم الخميييس والسبت اختبار نحو كما ذكرت
مس بنور في التدوينة السابقة

لكن اللي بكتبه ماله علاقة في اختبار السبت

هذا الله يسلمكم من كل شر
كنت رايحه اصلي المغرب وبعدين ابدا اذاكر
واخر روقان

ومن زود الرواقة كنت اصفّر على انغام سواها قلبي
< مو رواقه الا تنح خخخ

وفجأتن لقيت نفسي لازقه في الارض

اللي صار انو رجلي انلوت
والقدم صارت حالتها حالة

انا على بالي الطيحه عاديه وقاعده اضحك
< مو قلتلكم تنح

بس لما جيت اقوم ماقدرت
ابغى اقوم ياناس
ورايا مذاكرة

< تفكير مشيرة لازم يدخل عرض

بدت المناحة والبكا
ورحت المستشفى

اول شي رحنا عند ناس متخلفين
خوفوني وقالوا انو شُعر

بعدين رحت مستشفى ثانية مررره كان وناسة
دفوني ف كرسي متحرك
وفحطنا

< لا فيها خلل شكلها طايحه على راسها مو رجلها خخخ

المهم اني رجعت البيت

وافتكرت انو فيه وحده ف الباص معايا
قبل يومين سألتني سؤال غريب

قالت لي : انتي طبعك حارة ف البيت ؟
قلتلها ما اعرف
قالت : الا الا تدرين ليش
لانك تنزلين من الباص اخر وحده
وتوصلين قبلنا
قلت ما احب امشي بشويش
قالت انا مره سريعة بس انتي اسرع مني

ما اقول الا حمد 1
والظاهر انو اللي صار لي منها
ولا عمركم شفتم احد يمشي بسلام الله
لا ويصفر بعد
ويطيح !

يارب اتعافى واروح اختبار النحو وانا طيبة

يلا اشوفكم بخييير :)