عصبية!!

اليوم اغبى يوم في الدنيا كان الغباء سمة واضحة فيه وغالبة عليه ،

بديناه بالنحو وانغام الاستاذ ماهر اللي يكون يشرح وفجأه يصير يرتل قواعد النحو وذلك لِعِظَم مكانتها في قلبه وكمان يدل على انه يحفظ زي الامعه ولا يدري ماذا يقول!

طبعا علّ قلوبنا بالمثال حقه إياك و(الأثد)

<< تراها الاسد بس الاستاذ يبغى يتدلع ومايعرف ماهيّة الدلع يسمع فيه يعني خخخخ..

وطبعا بين كل رمشة عينٍ وانتباهتها اسأل هند:

بترجعين معانا اليوم ؟ طيب بتجين عندنا ؟ طيب بنشوف المباراه سوا؟ طيب اهلك مايقولوا شي ؟ طيب .......... ؟ طيب ...............؟

وعلى كثر الاسئلة اللي سألتها مالقيت جواب يبرد القلب ، ياعذابك في الدنيا ياغيداء !!!

خلص النحو نزلنا القاعة الكبرى وبدا نشاط منهج الادب كانت القاعه تضجّ بضحكاتنا العااااااااليه

( اتكلم عن نفسي ) خخخخخخ

بس الحلو في قعداتنا اننا نضحك طول الجلسة لكن اذا رجعت البيت وحاولت اتذكر ليه كنا نضحك؟

ما اتذكر يعني غالباً نضحك لتفريغ قهر بعض الناس البااااااااردين جداً!! << الذكي يفهمها عاد والدلوخ اكتفوا بابتسامة وكملوا قرايه احسن لكم والله خخخخخ..

سمسمه وهندو قروا نماذجهم وكانوا فله هما الوحيدين اللي صفقت لهم والباقي قهروووووني قاعدين لنزار قباني قعدة ، من زييييييييين اشعاركم بالله اكتبوا زيه اول بعدييييين اتفلسفوا!!!!
<< عادي ترى ، غيداء ومعصبة يعني يطلع اكثر من هذا الكلام!

قالت درجاتنا الاستاذه وكانت كويسه وبعدين طلعنا قاعتنا نستعد لمحاضرة النقد

( بنّور تراني زعلانة منك راجعيني في المكتب واقول لك السبب خخخخخ ، امزح مازعلت بس تقهرين هع )
نجي لأهم نقطة في الحياة الدنيا ،
يااااااااارب ان كان هذا ابتلاء فَلك الحمد والشكر اللهم اني صااااابرة الى ان اموت غضباً وحنقاً شهيدة في سبيل الصداقة ، طبعا اللي مأزمني في الدنيا هو هند !!!

وحكايتها حكاية هذي الانسانة باصها استنذل عليها وماعاد يوديها الجامعه وعندها اخو طيب وشهم وشجاع قاال انه يقدر يوديها بس مايقدر ياخذها في الموعد المطلوب ، أنا طبعا مررررره فرحت لأنها بترجع معايا وتتغدى عندنا وتقعد لييييين نشوف مباراة المنتخب سوا ونتعشى ونسوي كل شي حلو بما ان بيتنا مافيه غير انا ورغده والحاشيه

( أقصد بالحاشية سلطان خخخخخخ )
لكن الاخت الكريمه سلمها الله تقول مايصير اقعد في بيت الناس طول اليوم

( اذا وقف الموضوع تراني انتقلت الى رحمة الله إثْرَ ارتفاع الضغط والسكر وانفجار المرارة والبنكرياس وتبادل الكبد والرئتين الاماكن ااااااااااااااااااااه ياتِعْتيرِك ياغيداء )
اي ناس ياهند خافي ربك يعني انا صرت ناس طيب نشوف مين يجي بيتكم مره ثانيه ويقعد ينطنط ويلعب ، وانا ماخذه راحتي عندكم اخرتها اصير ناس هاااااااا !

اللي يفقع القلب بجد منظر الرجاء الاخير والاخت الكريمة تتغدى :

هند ، كلمي اخوك ،

هند ، يمكن يرضى ،

هند ، مافي احد في البيت ،

هند ، .......................

هند ، ...............

والبلا هند تاكل ولا ترد اش اسوي يعني انتحر عشان تلتفت !!!
وماظنّي تلتفت بعد

لا ومن زود النذالة طلعت من بيتنا ونسيت اغراضها ، تقولوا بيتنا بيت اشباح طالعه منه بدون وعي ولا ايش الموضوع بالضبط؟؟؟ لهالدرجه ماننطاق مااااااالت !

طبعا الاسبوعين الجايه غياب وبعدها اختبارات الله يوفق الجميع بس ، وغيداء لاعاد تفرحي بأحد ترى ماااااااحولك أحد !!!

اذا حسيتو الالفاظ قاسية شويا ولا تجرح بكيفكم ، ماكتبت الموضوع للحساسين ، اللي مره يااااااي لا يقرا مدوناتي يقرا كلام باقي الشلة تراهم مره تيبين ..

والسلام عليكم ورحمة الله وبركاته..